مده واحنا نبغا نطلع نبغا نطلع 
<< أطلعوا أحد ماسكم 
لاحشا محد ماسكنا بس نبي نطلع العايله كلهم وسبحان الله سبحان الله كل مره احد يطلع به عله ومانطلع 
وتحقق واخيرا في هذاك اليوم يوم الاربعاء الجميل 
وبما ان الجو بدا يطلع شي جميييييل 
فالطلعه طالعه اجمل واجمل 
نبدأ بسم الله مع تقريري المفصل كعادتي 
مسكنا هذا الطريق مدري وشو بالضبط 
هنا كان ابوي موقف بياخذ شي اعتقد ثلج 
وكان فيه مسجد ووقت صلاه الرجال يطلعون من المسجد
ومير اطلع الكام مع الشباك بصور وكادت تتسكر الكام على راسي بسبب هالكم صوره 
واكثر شخص متأذي من التصوير داخل السياره ابوي , كل ماطلع صوت الفلاش التفت يخاف يكون سـآهر
أحبببببك 
الله لايحرمني هالطله يابعد كل هالدنيا ومن سكنها . .
بالله ماقد همس لك شمآغ ؟ وقآل ياجعلني فدى رآسك ؟ 
,
وفيه احد ثاني وده يكسر كامي فوق راسي ويوم شفتها متأذيه ومير اعاند واصير اصورها كل شوي
ماشاء الله تبارك الله . . 
محترمتني اسم اني خالتها << إيه مره ماقامت تصارخ كنها زيتونه مرة بباي 
وصلنا بالسلامه 
البزران انتشروا بالارض 
وابوي حط شغيلاته اللي يحبهن وجلس يسوي
(طبعا وهو في قمة الاستمتاع طبعا 
)
,
تقهوينا وعينا خير ع قولتهم 
وبعدهـآ سوو خواني ” الضو” عشان الشوي . .
طبعا فيه سالفه اليمه صارت لي وانا اصور هالنار . .
كنت متربعه قدامه بطريقه مضحكه
احس لسان حال العوائل اللي حولنا يقول هذي يامهبوله يامهبوله ياتحضر بسم الله 
شسوي.! كنت ابي اطلع بصوره احترافيه لان شكل النار بالظلماء كان يجنن
وبينما انا في هالحاله الصعبه جاني ولد صغيرون مو تبعنا 
في البدايه انتفضت ع بالي جن مو انس .!
بس شوي عرفت اخيرا انه انس ولد صغنون يقرب للنار واصرخ عليه آآآآح آآآآآح
وهو مدرعم كنه اصمخ 
توني اقوم له قام يركض ينحاش ويرقا ع الرصيف وادريت الا ..
دروووووووووووووووووووب 
طاح في فتحه اللي بالرصيف حقة الشجر .. اطالع راسه ويدينه في الحفره وبس رجيلاته الصغنطوطه طالعه 
ورحت له اقومه قلت توكل لاهلك الله يصلحك حنا ناقصنا بزران 
..!
بعدين خالد هو والبزران قاموا يشرخون ( يطرطعون )
,
لبا رويحتك
وبعدهـآ تعشينا وتوكلنا ع ربي . .
( هالتدوينه لها اسبوع كل يوم ادخل اكتب فيها شي
ناهيكم عن انها الطلعه لها اسبوعين <<~ لحد يضحك كيفي
الحمد لله ع السلامه تمت ولادتها على خير )
